Enrique apologizes for drunken incident: “I am but only human, I make mistakes.”
by PSR News Bureau
Nagbigay na ng isang public apology si Enrique Gil tungkol sa diumano’y kagaspangan ng ugali na kanyang ipinakita nang siya’y malasing sa eroplanong sinasakyan nila papuntang London. Humarap sa TV Patrol noong 
Biyernes si Enrique kasama ang katambal nitong si Liza Soberano sa isang eksklusibong interview nila kay Mario Dumaual.
Inamin ni Enrique na nagkamali siya at humingi ito ng paumanhin sa lahat ng taong nasaktan at nadawit dahil sa kanyang maling inasal. “I had some drinks sa plane. I mean, more than I should be having. So as a result, things got out of hand. Dahil po doon, I want to apologize to my brothers and sisters from Star Magic.”
Sa nasabing insidente ay napagtuunan umano ng pansin ni Enrique ang Kapamilya actress na si Jessy Mendiola at ang nobyo nitong si JM De Guzman (na hindi naman kasama ng aktres sa nasabing byahe). “I sincerely apologize to Jessy and to JM, if ever I offended them in any way. I’m sorry. Yun lang po…”
“Tao lang po, nagkakamali,” dugtong pa ni Enrique. “We all make mistakes but you own up to it, you learn from it and move forward. It’s the first and last time this will ever happen,” pangako pa ng Forevermore star.
