Who is Darren Espanto’s secret crush?
by Ruben Marasigan
Hindi itinanggi ni Darren Espanto na medyo nadismayado ito nang matalo ni Edward Benosa bilang New Male Recording Artist of the Year sa recently concluded na 7th PMPC Star Awards For Music.
“Siyempre lahat po naman ng nominees, hoping na makuha ‘yung award. Pero okay lang naman po iyon sa akin,” ani Darren nang makapanayam ng Philippine Showbiz Republic (PSR.ph) kamakailan lang.
“Pero you gotta move on. Marami pa naman pong blessings na darating sa akin. At saka thankful na rin po ako doon sa napanalunan kong award na Album Cover Design of the Year,” paliwanag ni Darren.
Ano bang pinagkakaabalahan ni Darren ngayon?
“Right now, I’m doing my Philippine tour po. It’s the birthday concert I did at the MOA Arena na ang title ngayon ay ‘The Road Tour.’ So I’m touring the country and hopefully, I’m going to release my second album po.”
Ayon kay Darren, excited na daw siya sa kanyang susunod na album. Sadya nga raw nilang mas pinaganda ito at tunay naman masasabing espesyal na ginawa niya para sa kanyang minamahal na fans na walang sawang sumusubaybay at nakasuporta sa kanyang singing career.
What makes this upcoming album very special?
“Mayroon po akong mga compositions dito sa ginagawa naming bagong album so mas special po ito para sa akin. I started listening to some of the songs para sa bagong album ko pero we haven’t started recording yet. All original po lahat ng songs. It’s a mixed po,” pagmamalaki pa ni Darren sa Philippine Showbiz Republic (PSR.ph).
Marami sa kanyang fans, nakaantabay sa pagpasok din niya sa acting field. Okay naman din daw kay Darren kung may darating na ganitong opportunity.
“Pero right now pa, sa singing ako mas ginu-groom ng ABS-CBN. Pero kung sakali, gusto ko rin. Kaya ko naman siguro. I guess a few workshops lang naman, kasi hindi pa po ako sanay, e. Sa social media nga, may nabuo na parang tandem nila ni Cassy Legaspi na anak nina Carmina Villaroel at Zoren Legaspi. Ah, yung ‘CasRen’ po. Collaboration po namin iyon.”
May crush ba siya kay Cassy?
“Maganda po si Cassy, I think anyone would admire her. Pero minsan pa lang naman po kami nagkita ni Cassy. Doon sa concert ni Ariana Grande. And it was nice to meet them naman po. Sina Cassy, Mavy, and of course, si Sir Zoren kasi ipinakilala kami ni Tita Carmina.”
Type ba niya si Cassy?
“Nagagandahan po,” sabay ngiti ni Darren. “And she’s tall!”
Hindi niya naiisip na manligaw?
“Uhm… wala pa naman po akong nililigawan ngayon. Masyadong maaga pa po. I’m still young, there’s no need to rush, there’s a lot of time for me to do that. Fourteen pa lang po ako.”
Pero ang daming girls na may crush at kinikilig sa kanya?
“I find it cute. Nakikita ko po na they’re very supportive and the way they interact and show their support for me, nakakataba po ng puso. I really am flattered with all the attention I’ve been receiving,” pagtatapos ni Darren.
