Sotto-Luna nuptial names entourage
by PSR News Bureau
Opisyal nang ipinamamahagi nina Vic Sotto at Pauleen Luna ang imbitasyon para sa kanilang nalalapit na pag-iisang dibdib. Nakasulat sa imbitasyon ang mga salitang: “The honor of your presence is requested at the wedding of Marvic Sotto to Marie Pauleen Luna, daughter of Fidel Eugenio Judes Luna and Cynthia Luna.”
Hindi naman dapat malungkot ang fans ng dalawa dahil ayon na rin mismi kay Bossing Vic, hindi nila ipagdadamot ang kanilang kasal sa fans. Kahit pa nais nilang maging solemn at intimate ang naturang kasal, siyempre pa, bilang isang Dabarkads, magkakaroon sila ng espesyal na announcement sa Eat Bulaga bagamat hindi nila balak i-disclose ang araw at lugar kung saan ito magaganap.
Narito ang bahagi ng listahan ng mga kasama sa entourage:
Kabilang siyempre ang kapatid ng groom na si Sen. Tito Sotto, ang mag-asawang Tony Tuviera at Mrs. Madeleine Tuviera ng TAPE Inc., ang producer ng Eat Bulaga!, si Joey De Leon, ang magiging matron of honor na si Ruby Rodriguez na kasama rin nila sa noontime show at ang magiging best man naman ni Vic ay walang iba kung hindi ang anak nito kay Coney Reyes na si Vico Sotto. Ang best friend ni Pauleen na si Fraches Que ang Maid of Honor. Groomsmen naman sina Val at Maru Sotto, Anjo Yllana, Wally Bayola, Jose Manalo at Paolo Ballesteros.
Magiging bridesmaids naman sina Miss Universe Pia Wurtzbach, Anne Margaret Luna, Leah Camille Agcaoili at Mara Isabel Sotto. Candle sponsors naman sina Paulina Sotto [anak ni Vic kay Angela Luz] kasama si Miguel Mario Luna. Veil sponsors naman ang mag-asawang Marc Pingris at Danica Sotto-Pingris. Cord sponsors naman sina Kristine Hermosa-Sotto at Oyo Sotto. Magiging ring bearer naman si Jean Michel Pingris [anak nina Danica at Marc], coin bearer naman ang anak ni Kristine at Oyo na si Kristian Daniel Sotto, bible bearer 
naman ang apo ni Tito Sen na si Alessandro Jose Sotto at Rosary bearer naman si Marciano Dominico Antonio.
Flower girl si Aling Maliit na si Ryzza Mae Dizon at ang anak nina Danica at Marc na babae na si Anielle Micaela Pingris kasama ang anak na babae nina Oyo at Kristine na si Ondrea Bliss Sotto.
Mula sa Philippine Showbiz Republic (PSR.ph), Congratulations and best wishes kina Bossing Vic at Pauleen Luna!
