JAMES BLANCO stars in “PILAPIL”
After 16 years ng kaniyang karera sa showbiz, first time na bibida si James Blanco sa isang pelikula at ito ay sa “Pilapil” na isa sa finalist sa Tofarm Film Festival. Ang pelikula ay tumatalakay sa dalawang nilalang (James Blanco) at (David Remo) na sa hirap ng buhay ay nagawang maging masama at kumapit sa patalim.
Very challenging ngang maituturing ang role sa pelikula ni James at kinailangan niyang mag-research at mag-aral ng stunts para maging maganda ang kakalabasan ng kanyang karakter. Sanay sa drama ang aktor pero sa pelikula ay nasabak siya sa mga maaksiyong eksena.
“Pinag-aralan kong mabuti ang karakter ko kasi medyo kakaiba ito sa dati kong ginampanan. First time kong mag-action. Physically at emotionally, inaral kong mabuti ang script at ang hinihingi ng karakter ko.”
Samantala, puring-puri ang akting ni James ng kaniyang direktor na si Jojo Nadela. Si James lang daw ang naisip niyang artista na gaganap sa naturang pelikula. Ikinumpara pa niya ang aktor sa Superstar na si Nora Aunor. May expressive eyes daw si James tulad ng de-kalibreng aktres.
“Madali mo kasi ma-motivate yan. Madali mo mabigyan ng instructions. Parang lalaking Nora Aunor,” sabi ng direktor. Dagdag pa niya, isa raw si James sa strong contender para sa Best Actor sa Tofarm Film Festival.
PILAPIL screening schedules:
July 13 (Wed), 6:30 PM – SM North Edsa
July 14 (Thu)
11:00 AM – SM North Edsa
4:00 PM — SM Megamall
July 15 (Fri)
1:30 PM – SM North Edsa
6:30 PM – SM Megamall
July 16 (Sat)
11:00 AM — SM Megamall
9:00 PM – SM North Edsa
July 17 (Sun), 6:30 PM — SM Megamall (GALA Screening)
July 18 (Mon)
1:30 PM – SM North Edsa
9:00 PM – SM Megamall
July 19 (Tue), 4:00 PM – SM Megamall
