Allen Cecilio on his career: slowly but surely
BONGGA na ngang matatawag ang takbo ng career ni Allen Cecilio, top 12 finalist sa Pinoy Boyband Superstar ng ABS-CBN 2.
Sa kanyang charming face and personality, marami ang totoong naniniwala sa kanya. Plus his talent pa; singing and dancing.
Katatapos lang ng kanyang mall shows sa SM Valenzuela, SM Pulilan at SM Sangandaan.
At matatawag na successful dahil nga sobrang dami ng tao na sumaksi para siya ay mapanood.
Sa true kang, napakaraming fans ni Allen. At nakita kasi ng aming dalawang mata ang tagumpay na ‘yon.
Pino-promote ni Allen ang kanyang single na “Baby Ko” na mada-download sa Amazons, iTunes, and Spotify.
At sabi nga ng mga nakarinig ng kanyang awit ay tiyak na magiging successful ito
Dahil positibo ang takbo ng career, may nakatakdang bonggang concert ang baby n’yo na si Allen.
Hindi naman nagmamadali si Allen.
“Mas okay na ‘yung slowly but surely,” pahayag niya.
Patuloy ang pagtaas ng kanyang followers sa social media. Tiyak na magiging isang malaking singer itong si Allen.
Sa kanya ngang guesting sa Wow It’s Showbiz sa Radyo Inquirer ay talaga namang pinahanga kami ng binata sa kanyang husay sa pag awit at pakikisama.
Patience is a virtue lang talaga. Matutupad din lahat ng dreams nya as an artist. Ngayon palang ay kino-congratulate na namin sya.
