Marco Gomez wants to follow in Richard’s footsteps
Ipinahayag ng newbie hunk actor na si Marco Gomez na malaking blessing sa kanya ang pelikulang Silab.
Ito ang launching movie ng member ng Belladonnas na si Cloe Barreto. Tampok din sa pelikula si Jason Abalos.
Itinuturing ni Marco na malaking blessing sa kanya ang pelikulang ito na mula sa 3:16 Media Network owned by his manager na si Ms. Len Carrillo at mula sa pamamahala ng award-winning director na si Joel Lamangan.
Aniya, “Talagang I feel blessed, kasi I’ve been in showbiz for almost four years and may time na gusto kong gumive up. Kasi siyempre iba ang sistema rito sa Pilipinas, tapos hindi Tagalog ang first language ko.
“So, may time na gusto kong gumive up. Pero since my father passed away, so I promised him to continue this passion we both have, tapos ayun, sobrang blessed ako na ibinigay sa akin yung Silab.”
Pahabol pa ni Marco, “And maganda naman daw yung feedback sa amin, sa movie, so really feel blessed about it.”
Si Marco ay 22 years old at lumaki sa Austria.
Siya ay six footer, moreno, isang singer, at martial arts black belter.
Nabanggit din niyang proud siyang maging part ng Silab.
“Yes, I’m very proud, very proud. Especially yung story mismo, maganda yung story. Kasi bale ano siya eh, di ba crime of passion? And medyo dark yung movie.
“Ang maganda roon, maraming twist, akala mo ito na, ‘yun pala mayroon pa, tapos mayroon pa!
“Basta maganda ‘yung story and I’m proud to say na puwede naming ilaban sa international filmfest ito,” paniniyak na saad pa ni Marco.
Masaya rin daw siya na naidirek ng isang Joel Lamangan.
“Yes, super happy,” nakangiting sambit niya.
Pagpapatuloy pa ni Marco, “Siyempre as a first timer-di naman first timer pero yung maging lead, first time ko naging lead sa movie, so siyempre iba yung how to act and everything.
“Pero mabuti at nandoon sila Direk Joel, kasi he guided me everywhere. Ginuide niya talaga ako, pati mga co-actor ko… si Kuya Jason Abalos, he’s been like a kuya to me talaga sa movie na ito.”
Nang inusisa pa namin si Marco kung sinong actor ang wish niyang sundan ang yapak, si Richard Gomez ang naging tugon niya.
Wika ng Clique V member, “Si Richard Gomez ang wish kong sundan ang yapak.
“Kaya sakto po, parehas kami ng apelyido ‘di ba? Pero actually, idol ko talaga si Richard Gomez. Ever since bata ako, I’ve been watching some of his movies and gusto kong masundan yung yapak niya,” lahad pa ni Marco.
Ang Silab ay mula sa panulat ni Raquel Villavicencio at tampok din dito sina Lotlot de Leon, Chanda Romero, Jim Pebanco, Quinn Carrillo, Karl Aquino, Christine Bermas, Rie Cervantes, at iba pa.
