Christian Bautista’s latest album ‘Soundtrack’ and his many other activities
by Ruben Marasigan
Masaya at thankful si Christian Bautista na maganda ang feedback sa latest album niyang ‘Soundtrack’. Kaya mas inspired siya at masigasig sa pagpu-promote nito.
“Ang carrier single nito ay ang ‘Up We We Belong’ na ginamit na theme song sa Koreanovela sa GMA na Empress Ki. Tapos ang theme song nito ngayon ay ‘A Thousand Years’,” masiglang bungad niya nang makausap namin sa Sunday All Stars.
Nitong nakaraang Valentine’s Day, naging part din si Christian ng ‘Only You’ concert ni Matt Monroe Jr. at ng ‘The Platters’ na ginanap sa PICC.
“I would love to do a solo concert din ulit. I’m looking forward to that.”
How about acting again? May kasunod na ba ang Strawberry Lane na pinakahuling seryeng ginawa niya sa GMA kung saan gumanap siya bilang kapatid nina Sunshine Dizon at Sheryl Cruz?
“Wala pa for now. But if ever, I want a different role naman. Comedy or action siguro para hindi muna drama. Para another side naman ang makikita nila siguro.”
Malaking bagay raw kay Chiritian na nakapagbakasyon siya sa London for two weeks nitong January.
“I try to do it every year na mag-relax, mag-soul search… magplano kung anong gagawin this year? ‘Yong gano’n.
“Like… how to promote my new album ‘Soundtrack’ really well. How to really maximize the videos, ganyan.
“And as of the other plans, sini-secret ko muna. Until final na talaga siya.
“Pero… ang dami kong nagawa a few months ago on singing, dancing, and hosting.
Kahit halos two months na ang nakakaraan mula nang magbakasyon siya sa London, nasa isip pa rin daw niya ang masaya at unforgettable experiences niya roon.
“It was fantastic. Of course I got to see sina Rachel (Anne Go) and Mark (Bautista).
“And they were fantastic sa Miss Saigon and Here Lies Love,” pagtukoy niya sa mga broadway musical kung saan isa sa cast si Rachel at ‘yong show ni Mark doon.
Ex-girlfriend ni Christian si Rachel at nakakatuwa na matapos silang mag-break ay na-maintain nila ‘yong friendship.
“I’m so proud of her no’ng pinanood ko siya sa Saigon. Napakagaling niya on stage.
“And… yeah! Napaka-sexy nga niya onstage!” nakangiting sabi pa ni Christian hinggil sa pinag-uusapang daring o revealing costume ni Rachel na gumaganap bilang Gigi sa Miss Saigon.
“Tama ang mga balita! And… napaka-pivotal ng role niya.”
Relaxed na ba si Rachel onstage na sobrang sexy na costume ang suot?
“Tingin ko naman okey siya. Nasanay na sa gano’ng costume niya, kumbaga. After a year of doing it? Oo.
“Ang ginagawa kasi niya, kahit na revealing ‘yong damit niya, very classy pa rin ‘yong galaw niya.
“So hindi siya malaswa at all. Nadadaan niya sa dating, e.”
Sa anong aspeto siya talagang bumilib kay Rachel during that time na pinapanood niya ito sa Miss Saigon.
“It’s still her voice, of course. ‘Yon talaga.”
Nagkaroon sila ng chance ni Rachel to go out?
“Yeah! After no’ng performance niya, lumabas kami. Kasama name si Mark who was there for six months para nga sa katatapos lang na show niyang Here Comes Love.
“Kababalik lang niya. And I’m happy na he’s back here.
“Grupo kami nang lumabas kasama si Rachel. Para walang mga issue!” natawang sabi pa ni Christian.
Takot na siyang magkaroon ng issue tungkol sa kanilang dalawa ni Rachel?
“A… it’s part of our lives na, ano?
“Pero… para maayos. Para malinis lahat.”
Kapag ba ex niya, hindi na niya talaga binabalikan. Hanggang friends na lang gaya nila ni Rachel?
“Oo. And it’s better na maging friends than… magkaaway, I guess.”
Di ba if you’re still friends with your ex, open pa rin ang posibilidad na baka may ma-rekindle?
“A… wala pa naming gano’ng nangyayari,” natawa ulit na sagot ni Christian.
“Tingnan natin!
“Well, I can’t say. Pero the most important thing is… everything is okay with my exes!” tawa na naman niya.
Wala pa rin siyang bagong girlfriend. Parang ang tagal naman niyang ma-inlove ulit since his last relationship.
“Di ba?” nangiti niyang reaksiyon.
“Pero kapag na-in love talagang all out.”
Ano ba ang nakakapigil para manligaw siya? Naging pihikan na ba siya sa pagpili ng sunod niyang magiging girlfriend.
“Siguro ano… dalawa naming style ‘yan, e. Either… meron ‘yong iba, sunod-sunod na try and try and try.
“Ako medyo mas… on the quiet side. I date naman.
“Hindi ko lang sinasabi. Ganyan.
“And then kapag sure na. ‘yon… baka puwede ko nang sabihin.”
