Yassi Pressman, not at all insecure with Barbie Forteza; Prides the foundation of Yandrei fan’s club
by Arsenio “Archie” Liao
Para kay Yassi Pressman, wala siyang dapat ika-insecure kay Barbie Forteza na identified rin bilang ka-love team ni Andrei Paras sa top-rating Kapuso afternoon TV series na ‘The Half Sisters’.
“Meron ngang nako-confused na mga fans. Pero, kami naman ni Andrei, may solid fans na kami na sumusuporta sa amin. Kung nama-match man sila, siguro, dahil magkasama sila sa isang TV series,” paliwanag ni Yassi.
Hindi ka ba nagseselos kay Barbie?
“Hindi. Iyong Yandrei naman, nandoon na sila Kumbaga, may foundation na iyong fan’s club namin”.
What, if, ligawan ni Andrei si Barbie?
“Wala naman akong nababalitaan na ganoon. Kasi kami ni Andrei, we get to bond kasi madalas kaming magkasama dahil pareho kaming veejays sa MTV. Besides, pareho kami ni Andrei na priority ang mga careers naming,” pahayag niya.
May napatunayan na ang Jadine as a love team, kailan naman ila-launch ang Yandrei as a love team?
“May gagawin kami sa Viva pero secret pa. Hindi pa puwedeng sabihin ang details”.
Parte ka dati ng Sunday All Stars. Na-hurt ka ba nang natanggal ka sa nasabing noontime variety show?
“Talent lang ako at nire-respeto ko kung ano iyong desisyon ng GMA. Iyong shortness kasi noong oras, hindi naman kailangan ang lahat ng artista para pagkasyahin sa show,” pagtatapos ni Yassi.
Si Yassi Pressman ay mapapanood sa Wattpad Presents ‘My Fiance since Birth’ sa TV5 kung saan kapareha niya ang Kapatid hunk actor at Artista Academy best actor na si Vin Abrenica.
Aside from her hosting stints, abala rin si Yassi sa pagma-manage ng kayang online store ng kanyang clothing line at kasosyo rin siya sa isang trendy restaurant na Tipsy Pig.
