“MAALAALA MO KAYA (MMK) TACKLES THE LIFE OF A SUPER TV FAN BOY”
by Mary Rose Antazo
Tunghayan sa “Maalaala Mo Kaya” ng ABS-CBN ngayong Sabado (Marso 21) ang life story ng isang masugid na tagahanga na si Francis (gagampanan ni Francis Magundayao) na unti-unting nagbago ang buhay dahil sa labis na pagkahumaling sa kanyang iniidolong artista.
Paano humantong sa adiksyon at labis na pagsisinungaling ang simpleng pagkaaliw ng isang TV fan? May pagkakataon pa bang mabago ang buhay ng isang taong nilaan na ang buong panahon para sa kanyang idolo?
Bahagi rin ng “MMK” ngayong Sabado sina Angel Aquino, Juan Rodrigo, Devon Seron, Miguel Vergara, Brace Arquiza, Kiray Celis, Karen Reyes, EJ Jallorina, Celine Lim, at Kristel Fulgar. Ito ay sa ilalim ng direksyon ni Raz de la Torre at panulat ni Benson Logronio.
Ang “MMK” ay pinamumunuan ng business unit head nito na si Malou Santos at creative manager na si Mel Mendoza-Del Rosario. Sa loob ng 23 taon, bahagi na ng bawat pamilyang Pilipino saan man sa mundo ang “Maalaala Mo Kaya” na bawat Sabado ay nagpapaluha, nagpapangiti, at nagbibigay-inspirasyon sa TV viewers sa pamamagitan ng mga totoong kwentong buhay na ibinabahagi ng letter-senders ng programa.
Huwag palampasin ang longest-running drama anthology sa Asya, “MMK,” tuwing Sabado, 7:15PM, pagkatapos ng “Home Sweetie Home”.
