“I have my trust in Edgar Allan. I have faith in him.” – Shaira Mae Dela Cruz
by PSR News Bureau
Kahit tinutukso sina Maxene Magalona at Edgar Allan Guzman sa show na Your Face Sounds Familiar, hindi daw dito apektado ang real life girlfriend ni Edgar Allan na si Shaira Mae Dela Cruz. Dating magkasama ang dalawa sa TV5 pero itinatambal si Shaira Mae kay Mark Neumann. Si Edgar Allan naman ay kalilipat lang sa ABS-CBN at ang Your Face Sounds Familiar nga ang una niyang proyekto sa nasabing network.
“I have my trust in Edgar. I have faith in him,” sabi ni Shaira Mae nang matanong tungkol sa pagkaka-link ng nobyong si Edgar Allan kay Maxene na napapabalitang “crush” umano ng binata. “Meron din naman akong Mark (Neumann na ka-loveteam niya), so bakit ako magseselos di ba?” dagdag pa ni Shaira.
Bagamat inamin ng dalaga na noong umpisa ay talagang naapektuhan siya, naisip niya na bahagi lang ito ng trabaho ni Edgar Allan kung kaya’t wala siyang dapat ipag-alala. “Kailangan kasi parang kami ni Mark. Kung paano tinangga ni Edgar yung loveteam naming ni Mark, ganun din dapat ako sa kanila ni Maxene,” paliwanag pa ni Shaira sa Philippine Showbiz Republic (PSR). “Basta kami nagtatrabaho lang. Focused kami parehas doon para mas maging successful kami sa respective careers naming. Para sa amin din naman yun.”
Paano nila nagagawang maging makatotohanan ang tambalan nila ni Mark kung gayung alam ng lahat na boyfriend niya si Edgar Allan?
“Kami ni Mark, parehas kami ng goal at mindset. Binibigay naming yung best naming para maging effective kami. Hindi naman kailangan na maging magkarelasyon ang magka-loveteam para maging effective. As long as tinatangkilik ng tao yung loveteam at may rapport ito sa fans, walang dahilan para hindi kayo tanggapin di ba?”
Mapapanood si Shaira Mae kasama si Mark Neumann sa “ Wattpad Presents: The Magic in You” sa April 13, 9PM sa TV5.
