“Albert Martinez is always after my money!” – Amalia Fuentes
by Vance Madrid
Matapos ang kanyang mga naging pasaring laban sa kanyang manugang na si Albert Martinez na may kinalaman sa isyung ipinagdamot umano sa kanya nito ang kanyang kaisa-isang anak na si Liezl Martinez na kamakailan lang ay sumakabilang-buhay, muli na naman naglabas ng kanyang hinanakit ang dating Sampaguita Films movie queen na si Amalia Fuentes sa pamamagitan ng social media. Bagamat akala ng nakararami ay mananahimik na lang ang 74 years old na dating aktres, hindi pa pala siya tapos sa paglalabas ng kanyang mga hinaing at hinanakita laban sa pamilya ni Albert.
Ayon sa kanyang Facebook account, na nai-post ni Amalia Fuentes noong Miyerkules, March 25, nabanggit ng dating aktres na ang hindi pagtutol nitong si Albert sa pambabastos umano sa kanya ng mga anak nitong sina Alfonso at Alyanna. Bilang ama ng kanyang mga apo, nararapat dawn a ituwid nito ang pagkakamali ng kanyang mga anak.
Sabi sa Facebook post ni Fuentes, “Are you wondering why Albert is so quiet about the disrespect of his two elder children to their Lola? His handlers have decided to make him out to be a long-suffering loving husband to preserve the carefully-crafted image he wanted the public to see! Too late, you can’t fool the public, kaya no endorsements for them like Zoren and Carmina! If you are a good father, you will not allow this and I suspect you put her up to his hoping I will not react to her tirades!”
Ang pinatutungkulan dito ni Fuentes ay ang ginawang pag-post sa Instagram ng kanyang apong si Alyanna Martinez na panganay na anak nina Albert at Liezl kung saan marami ang nagsasabing siya ang direktang pinatatamaan bagamat hindi naman nito nagbanggit ang pangalan ng kanyang Lola.
Sabi pa ni Amalia, “But I won’t be stopped! Unlike you who is so consciously your image to preserve your movie career. I can’t be stopped now. I stepped aside for the sake of my daughter as she is really your lucky star!”
May nasabi rin si Amalia tungkol sa pera na nagkakahalaga daw ng dalawang milyong piso na ibinigay raw niya kay Liezl ilang araw bago ito pumanaw.
“Two weeks before her [Liezl’s] death, I gave her two million pesos that I know she didn’t tell you! Two days before her death, gusto mo pa akong hingan ng 5M then 10M! We had unpleasant exchange where I told you the money is mine and Liezl’s only. He was always after my money!”
“I have instructed my lawyers to make a formal demand for the two million I gave Liezl two weeks before her death when she was already bedridden!”
Paghahamon pa niya, “Since I’m not immediate family, it’s but fitting that the money be returned to me.
“Surely with your ‘success,’ you don’t need my money nor your children who belongs to your clan!”
