Are you Team Jonvic or Team Ramil? Two govs trade jokes amid lockdown
Sa gitna ng panganib at takot na hatid ng COVID-19 disease, kinakitaan ng kasiyahan o matatawag na “a breath of fresh air” ang palitan ng pag-uusap, sa pamamagitan ng kani-kanilang Facebook page, ng Gobernador ng Laguna na si Ramil Hernandez at Gobernador ng Cavite na si Jonvic Remulla.
Naunang nagpadala ng mensahe si Governor Remulla para kay Governor Hernandez at narito po ang nakatutuwang sagutan nila, published as they are.
Dear gob Ramil,
Ganyanan na ha. Dehins ako pinalusot Ng checkpoint mula Bgy. Inchikan, Silang, Papunta Nuvali. “Bawal daw” sabi ng hepe mo. Bali wala werpa ko sa checkpoint mo.
Tandaan mo na likas ang yabang at tapang naming mga kabitenyo. Ang mga taga laguna mga maka-dyos. Tignan mo pangalan Ng mga bayan mo: San Pedro; Santa Cruz; Sta Rosa. Kami dito: General Trias; General Aguinaldo; General Mariano Alvarez. Nilikha kami sa digmaan.
Huwag ko na marinig na tatawid ka ng SLEX papunta Maynila. Magtatayo ako ng checkpoint sa Carmona para di ka makatwid. Umikot ka Ng Rizal ngayon para maramdaman mo Ang nararamdaman ng mga kababyan ko.
Iyong dating kaibigan,
Gob. Jonvic
Dear GOV. JONVIC,
Nabasa ko na ang iyong bukas na liham at eto ang aking kasagutan.
Kapag may ulan o bagyo lagi mo akong inuunahan magdeklara ng walang pasok. kaya lagi akong naba-bash ng mga masisipag pumasok dine sa amin kahit mahina naman ang ulan dito sa Laguna.
Ngayon, wag mo naman sanang masamain na ako naman ang nauna na nagdeklara ng Total Lockdown.
Panalangin naming mga taga Laguna ang kaligtasan nating lahat. At pahiram naman ng mga mandirigma mo dyan para sa matitigas ang ulo dine sa amin.
Kung papogian naman ang usapan mas matangkad ka laang sa akin pero tao na magsabi kung kaninong gobernador ang mas pogi.😍
Ang iyong kapit lalawigan,
GOV. RAMIL
P.S.
Joke lang din ito. Maraming salamat sa iyong pang-unawa.
Kaya kayong mga Kapitan at mga mayor huwag kayong mag-aaway kapag may nag-lockdown na barangay, bayan o syudad. Mag-unawaan tayo.
Dear Gob Ramil,
Kinagagalak ko naman na binasa mo Ang aking bukas na liham. Kasama sa trabaho natin bilang punong lalawigan ay makinig, maki-isa, at hindi makipagaway.
Pagpasensyahan mo na pag nauuna ako sa #walang pasok. Ang mga kalalawigan ko ay hinde immortal katulad nang mga taga Laguna. Di kami nakain ng bibe, puro tahong at talaba lang ang madami dito, kaya madalas lubog ang baybay dagat namin. Ang sariling anak ko nga ay nag aaral sa Calamba. Ikaw ang inaabanagan at hinde ako.
Sa patigasan ng ulo ay kulang na ang mandirigma namin dito. Kailangan namin ng panalangin ng mga santo ninyo.
Huwag na natin gawing paligsahan ang pagandahang Lalaki. Baka mag rambulan ang mga “Beki” natin. Tingin ko, lamang ang mga ka-federasyon namin dito. Batak sa trabaho at maraming ka alyado.
Panalangin ko na matapos na ang beerus na ito. Naboboryo na ang mga kababayan ko.
Gumagalang,
Gov. Jonvic
P.s. joke lang po ito. Even governors observe quarantine procedures. Dapat lahat tayo.
