Barbie Forteza praises onscreen partner David Licauco
Sinabi mismo ni Barbie Forteza na nakikita niya ang malaking improvement ni David Licauco pagdating sa pag-arte.
“Ang maganda kasi kay David, very expressive yung mata niya,” umpisang lahad ni Barbie.
“So, pag natutunan niya to work around it, to work on his eyes, napakadali na nun. Kasi magaling din naman siyang magpakilig!
“And sa lahat ng proyekto namin, kada project na ginagawa namin, nakikita ko yung confidence and comfortability niya na umarte. Di ba?
“Given na mahiyain siya, di ba? Pero pagka nasa set yan, hindi ganitong klaseng David ang makikita mo sa set, ha?
“Talagang actor David yung makikita mo. Talagang game siya, willing siya, in character siya.
“Especially sa Pulang Araw, talagang game na game siya talaga. Makikita mo na rin na unti-unti ahmmm, nabubuo yung passion niya for acting, for the craft.”
Upcoming GMA serye nina Barbie at David ang Pulang Araw.
“Which I really admire, kasi nakita ko siya from Heartful Cafe, e. So, medyo nasundan ko ang mga project niya.
“Kasi yung mga sumunod na projects, ako na ang kasama niya. So, nakita ko rin ang growth niya.
“And ngayon, masasabi ko na mas komportable na siyang umarte sa harap ng kamera. At mas dedicated siya na galingan yung mga characters at mga projects.
“Sa mga projects na kinukuha niya, very mindful din siya. Kasi, alam na niya yung image na pinanghahawakan niya, e.
“So very mindful na rin siya, which is very good as an actor. Hindi ka lang tanggap nang tanggap for the money, di ba?
“Talagang mindful ka sa career na gusto mong tahakin, sa image na inaalagaan mo. May ganun na siya.
“Siguro dahil nadala na rin dahil businessman siya. So it comes with it na rin.”
Magkapareha sa bagong pelikulang That Kind Of Love sina Barbie at David.
Dinipensa rin ni Barbie si David sa mga namba-bash na si Barbie lamang ang “bumubuhat” ng kanilang tambalang BarDa.
“Actually, nalulungkot nga ako kapagka may naririnig akong ganun.
“Kasi parang nawalan ng purpose na tinawag pa kaming loveteam kung wala yung teamwork, hindi ba?
“Parang a loveteam will not work kung hindi kayong dalawa yung magtatrabaho din talaga.
“Siguro mas napapansin lang ng mga tao, kasi mas ako yung nagsasalita, di ba? Obviously!
“Pero look, parehas kaming nandito. We’re both here today, promoting the film. Pero alam mo yun, mas ako lang kasi yung naririnig, nakikita ng mga tao.
“Siyempre ako yung mas makulit, ganyan. Pero in terms of effort and yung dedication namin para mag-work itong loveteam, parehas na parehas lang naman.
“Kasi parehas naman kaming nagbe-benefit, hindi po ba?”
Mula sa Pocket Media Productions, Inc. at Pocket Media Films, nasa cast din ng That Kind of Love sina Arlene Muhlach, Divine Aucina, Al Tantay, Kaila Estrada at Ivan Carapiet, sa direksyon ni Catherine Camarillo.
Ang premiere night nito ay sa Hulyo 4 sa SM Megamall. Showing ito sa mga sinehan umpisa Hulyo 10.
