Biggest stars gather at the 34th Star Awards for Movies this Sunday on ABS-CBN
Ngayong Linggo na, March 18, mapapanood ang 34th PMPC Star Awards For Movies, sa ABS-CBN, 10:15 to 11:45 ng umaga, bago mag-ASAP!
Matutunghayan na kung sinu-sino ang mga pinakamahuhusay na nagwagi sa iba’t ibang kategorya, kabilang ang Movie Of The Year, Indie Movie Of The Year, Movie Director Of The Year at Indie Movie Diretor Of the Year, kasama ang Movie Actor at Actress Of The Year.
Hosts ng palatuntunan sina Judy Ann Santos, Kim Chui, Julia Barretto, Xian Lim at Enchong Dee, at anchor host naman si Iza Calzado.
Aawitin nina Mark Bautista, Jona at JBK Group ang medley of Star Awards Theme Songs and 7 Nominated Movie Theme Songs.
Magpapasiklaban naman sa Sing & Dance (New Rules/Finesse Mash Up) sina Jerome Ponce & Maris Racal, Jameson Blake & Loisa Andalio, Grae Fernandez & AC Bonifacio at sa Lyrical Interpretative Dance (Two Less Lonely People/Dying) ay hahataw sina Zeus Collins, Tanner Mata, Ahron Villena, Neil Perez, Roxanne Barcelo, at Meg Imperial.
Maghahandog din ng special number ang world-class Filpino talents na sina JV Decena at Joaquin.
At bilang pag-alala sa yumaong batikang direktor na si Maryo J. delos Reyes, dalawang madamdaming awitin ang handog ni Erik Santos, ang ‘Saan Darating Ang Umaga’ at ‘Farewell.’
Ang Nora Aunor Ulirang Artista Lifetime Achievement Award ay ipagkakaloob kay aktres-direktor Gina Alajar at ang Ulirang Alagad ng Pelikula sa Likod ng Kamera Lifetime Achievement Award ay tatanggapin ni Director Tikoy Aguiluz.
Ang sikat na loveteam na JoshLia (Joshua Garcia at Julia Barretto) ang Loveteam Of The Year.
Ang Philippine Movie Press Club (PMPC) ay isang professional group ng mga active columnists and editors ng iba’t ibang pahayagan, radio showbiz talk shows, online blog sites, etc.
Founded in the late 1960’s, ang PMPC ay taun-taong nagbibigay ng honor and recognition sa mga mahuhusay na alagad ng pelikula.
Mula sa pamunuan ni PMPC President Joe Barrameda, mga opisyales at miyembro, ang 34th PMPC Star Awards For Movies ay mula sa produksyon ng Airtime Marketing Philippines ni Ms. Tess Celestino at sa direksyon ni Bert de Leon.
