Coronavirus puts LJ Reyes to sleepless nights; husband Paolo Contis enjoys watching K-Drama
Sa isang emosyonal na Instagram post, inamin ni LJ Reyes na nakararanas siya ng insomnia at anxiety sa gitna ng kinakaharap natin na global health crisis.
Aniya, “It’s been hard. Ako lang ba? Or kayo rin? I want to share that I haven’t been sleeping well at night. Honestly, since Summer was born, puyatan naman talaga. Pero napansin ko since 3 weeks ago, mas di ako makatulog talaga no matter how sleepy I am. And it feels like an everyday battle.”
Dagdag pa ni LJ, prayers daw ang nagpapakalma sa kanya.
“Akala ko di ako nai-stress sa mga nangyayari. But maybe subconsciously, I am feeling it. Pero I have been praying every single day! Every second! And honestly it calms me down.”
Nagpasalamat naman siya sa partner na si Paolo Contis dahil ito ang nagpapasaya sa kanya.
“Kaya rin siguro itong baliw na ‘to ‘yung binigay ni Lord sakin para no dull moments! Sa mga ganitong panahon, kasi worrier ako, nare-realize ko bakit siya ang nasa tabi ko!”
Sa hiwalay na post, sinabi naman ni Paolo na excited na siyang maka-date muli si LJ.
“I can’t wait to bring you to a proper date again after this. For now, K-Drama marathon muna ang date night natin gabi gabi!! @lj_reyes saranghaeyo!!,” pahayag ng Bubble Gang actor.
