Drunk Enrique Gil allegedly caused commotion in London flight with ASAP co-stars
by PSR News Bureau
Maiinit na pinag-uusapan ngayon ang balitang nagwala diumano ang aktor na si Enrique Gil habang lasing na lasing ito sa eroplanong sinasakyan nila pabalik mula London. Ayon sa aming impormante, inaasar ni Enrique ang aktres
na si Jessy Mendiola at inuusisa ito tungkol sa relasyon nito kay JM De Guzman na balitang muling bumalik sa pagiging problema sa set. Nagkataon naman na katabi ni Jessy ang TV host na si Luis Manzano. Bilang isang kaibigan at gentleman, pinakiusapan ni Luis si Enrique na tumigil na ito, siyempre, bilang lalalki, ayaw ni Luis na nababastos si Jessy. Dito na nagkainitan ang dalawang lalaki. Tinangka naman ni Liza Soberano na pigilan si Enrique sa pakikipagsuntukan nito kay Luis. Pero balitang minura diumano ni Enrique sa labis na kalasingan maging ang kanyang kaparehas na si Liza. Sa pagkagulat, nasampal naman ni Liza si Enrique.
Sa kasalukuyan ay nananatiling tahimik ang magkabilang panig. Pero si Jessy ay nagpahayag ng kanyang saloobin sa social media na Instagram.
“The truth will always come out no matter how you lie about it. You know what you did, so don’t try to squeeze yourself out by fabricating stories. Even trying to ruin other people’s relationship with your twisted mind. Someone heard and saw what you did. What goes around comes back around brother,” sabi ni Jessy.
Magkikita-kita rin sila sa nalalapit na Star Magic Ball, kaya’t abangan na lang natin kung ano ang susunod na kabanata. Pero sana naman maayos agad kung anuman ang naging alitan sa pagitan nina Enrique, Luis, Jessy at Liza. Makakaapekto itong tiyak sa tamabalan nina Liza at Enrique at nakakapanghinayang naman kung saw ala lang lahat mapupunta ang pinaghirapang tandem ng Star Cinema.
