Ervic Vijandre denies romantic relationship with Vice Ganda; discloses real status with Ariella Arida
by Roldan Castro
Nilinaw ni Ervic Vijandre na walang malisyang namamagitan sa kanila ni Vice Ganda. Binigyan kasi ng kulay ang pagbati sa kanya ni Vice nu’ng January 26 sa “It’s Showtime”.
“Yung mga kaibigan namin, sila Raymond (Gutierrez), sila Neil Arce, magkakaibigan. Tapos meron kaming business na gagawin,” bulalas ng binata.
Pareho na raw silang artista noong nagkakilala sila ni Vice.
Kaya hindi raw sila matsitsismis. Huwag daw lagyan ng kulay dahil matagal na raw silang magkaibigan ng comedian/host.
“Nung nag-Survivor ako, si Raymond naman, barkada niya sila Vice e, sila Anne Curtis, di ba? Tapos ako barkada ako ni Chard (Richard Gutierrez), so iyon lang, nagmi-meet kami.”
Hindi raw sila nagkakilala ni Vice nu’ng basketball player pa lang siya. Madalas kasing ma-link si Vice sa mga basketbolista.
“Ah hindi, hindi ganun. Hindi ganun, showbiz na, showbiz, dahil kila Richard and Raymond,” paglilinaw pa niya.
Samantala, mga limang buwan na palang zero ang love life ni Ervic Vijandre at hiwalay sa beauty queen na si Ariella Arida?
“We stopped dating nung mga last year, August yata yun,” sey niya nang makatsikahan siya sa presscon ng bagong sitcom na “Kailan Ba Tama Ang Mali”.
Ayaw kumpirmahin ni Ervic kung naging sila ba ni Ariella basta’t hindi na raw sila parehas sa direksyon na gustong patunguhan.
“Basta marami kaming differences na hindi na ma-settle, parang ganyan,” sambit niya.
Hindi naman daw sila magkagalit ni Ariella pero hindi na rin daw ganoon ka-close na nagte-text-an.
Wala na kayang chance na bumalik ang dating magandang pagtitinginan nila ni Ariella?
“We’re okay naman. Pero, mahirap na ipilit yung hindi pupuwede. May major factor na hindi natin puwedeng mai-discuss na kasi masyadong hahaba pa,” deklara niya.
Gusto muna ni Ervic na mag-focus sa sarili niya at maging happy na mag-isa.
“Kung dumating, dadating pero hindi ko na hahanapin,” sambit niya.
Isa raw sa nagpapasaya kay Ervic ay ang bagong show ng GMA kung saan kasama siya, ang Kailan Ba Tama Ang Mali na ipapalabas na sa February 9 . Tampok sa serye sina Max Collins, Geoff Eigenmann , Dion Ignacio at Empress Schuck.
Follow me…
Roldan Castro
@roldanfcastro
/roldanfcastro
