Isabel Rivas supports Nadine Samonte’s showbiz comeback
SUPORTADO ng beteranang aktres na si Isabel Rivas ang pagbabalik-showbiz ni Nadine Samonte.
Si Nadine ay muling nagbalik sa pag-arte sa pamamagitan ng teleseryeng “The Missing Husband” ng GMA-7.
Husband ni Nadine ang anak ni Isabel na si Richard Chua at may tatlo na silang anak.
“Pumayag naman si Richard na bumalik si Nadine sa pag-aartista,” wika ni Isabel.
“Kaya okey din naman siyempre sa akin.
“Kumbaga, ako, naiintindihan ko si Nadine. Dahil artista rin ako.
“Kapag nagpahinga ka sa career mo ‘tulad ni Nadine, mami-miss mo talaga ang pag-arte.
“Mga ten years din nagpahinga si Nadine sa career niya, dahil inasikaso muna ang pamilya nila ni Richard. May tatlo na akong apo sa kanila.”
Naitanong kay Nadine ang sitwasyon niya ngayon sa buhay, pati na ang buhay may asawa. “Happy at kuntento” ang isinagot ng magandang aktres.
Happy rin si Isabel bilang biyenan ni Nadine sa sitwasyon ng Kapuso star.
“Salamat sa Diyos,” reaksiyon ng mahusay na aktres.
“Iyon naman siyempre, sa isang biyenan na ‘tulad ko, masayang madinig iyon.
“I’m glad na happy si Nadine.
“Hindi sa pagmamalaki, maayos ko naman pinalaki ang anak ko.
“Hindi ‘yan marunong manakit ng babae.
“Dahil iba ‘pag nanay ang nagpalaki sa mga bata. Marespeto at may mabuting kalooban.
“Tinuruan ko ng respeto sa mga babae ang anak ko.”
