Kiko Matos clarifies he’s not homophobic
Nilinaw ni Kiko Matos ang umano’y naging pahayag niya na gusto niyang maduwal pagkatapos na makahalikan si Martin del Rosario sa pelikulang “Born Beautiful.”
“Hindi ko gustong masuka. Hindi ko ginusto iyon. Well, I’m a straight man. Natural reaction lang iyon,” aniya.
“Dahil sa dinami-dami nang kissing scene na ginawa ko sa movie, iyong pinakahuli, parang gustong mag-break off ng character ko. Iyon ang natural reaction ng character ko na parang maduduwal, pero hindi ko ginawa,” dugtong niya.
Klinaro rin niya na hindi rin siya homophobic at ipinakita lang niya ang pagiging propesyunal niya sa trabaho.
“ I’m just being honest. This is what I experienced in the last and final kissing scene. I don’t think it should be considered homophobic. I’m actor pa rin and I’m portraying a role of someone who’s in love with a transsexual,” pahabol niya.
Bilang actor, labas din daw kung anuman ang opinyon niya sa mga characters na ginagampanan niya.
“In my opinion, if you’re in a relationship with another man, you’re considered gay or homosexual, even if you consider yourself as straight. That’s my opinion. But when I step into the shoes of my character, si Greg, I have to take away my opinion on these matters kasi, I have to step into the shoes without any judgment, so when I take up the role of Greg, I think that I’m straight, I believe that I’m straight,” paliwanag niya.
Nakagawa na gay roles si Kiko in the past. Ito ay para sa Cine Fiipino entry na “Straight From The Heart’ at sa “Edna” kung saan nakalaplapan niya si Ronnie Lazaro.
Gayunpaman, kakaiba raw ang ginawa nilang torrid kissing at love scenes ni Martin sa “Born Beautiful.”
“It’s more honest than daring. I mean, I believe that what has been asked of me, I delivered it with my best intention and without any reservation. This is more honest than the previous movies that I’ve done. Mas buo iyong character ko rito at mas alam ko iyong gagawin ko rito.Sa palagay, this is one of my trophy projects,” pagtatapos niya.
Bukod kina Martin at Kiko, tampok din sa “Born Beautiful” sina Akihiro Blanco, Chai Fonacier, Lou Veloso, VJ Mendoza, Gio Gahol at marami pang iba. May special participation din si Paolo Ballesteros na gumanap bilang Trisha sa MMFF movie na “Die Beautiful.”
Mula sa produksyon ng The Idea First Company at Cignal Entertainment at sa direksyon ni Perci Intalan, palabas na ang “Born Beautiful” sa mga piling sinehan simula sa Enero 23.
