Lockdown brings more time with fam
Aminado si Andrea del Rosario na kahit paano ay may magandang epekto rin ang dulot sa kanila ng lockdown dahil sa Covid-19.
At least, sa kanilang personal na experience mismo.
Esplika ng former Viva Hot Babe, “Naging “simplified” ang life namin in general and most of the things that we do are family oriented activities. And it was all thanks to the lockdown… even sa spending ng time and even money, we became smarter.”
Ano ang pinagkaabalahan nila noong panahon ng lockdown?
“Anthony and I play polo… so iyon yung pinaka-bonding time even with Bea, because ang polo scene is a very family oriented activity.”
Si Anthony Garcia ang professional polo player na boyfriend ni Andrea at ito ang itinuturing na best Asian polo player sa Southeast Asia.
Patuloy na kuwento pa ng aktres, “Nakapag-taping and guesting din, but most of the time, sa farm lang kami kapag walang work… painting, farm life, etcetera.”
Bukod sa matagal na bonding time nila ng daughter niyang si Bea, nagkaroon si Ms. Andrea ng time na mag-paint at naasikaso niya ang bahay na kanyang ipina-renovate.
Aniya, “Yes, we painted a lot because I took up Bachelor of Fine Arts-Advertising sa St. Scholasticas College, Manila …… Yun yung background ko but this lockdown ko lang talaga nasimulan yung a bit of painting.
“May house rin ako na may kaso for more than 15 years and recently lang ako nanalo. So, I had it renovated, naging busy ako doing that. I was my own contractor, hahaha!
“Pinilit din naming tapusin iyong business ng family ko (franchise of a pay center and a pharmacy) na na-pending because of the lockdown.
“Not fully operational pa ito, but one part is open na,” wika pa ng dating Vice Mayor ng Calatagan, Batangas.
Inusisa rin namin ang ginagawang movie ngayon ni Ms. Andrea.
Lahad niya, “Naisama ako sa pelikulang Biyernes Santo under Viva Films and Psyops blackops studio Asia with Gardo verzosa (as my husband) and Mark Anthony Fernandez. And of course, the star of the movie, Ms. Ella Cruz, directed by direk Pedring Lopez.”
