Matteo Guidicelli sings Sarah Geronimo’s hit song “Kilometro”
By PSR News Bureau
Iginiit ni Matteo Gudicelli na wala silang problema sa relasyon ng nobyang si Sarah Geronimo. Kung mayroon man daw ay yung tipong kakulangan lang ng oras para sa isa’t-isa dahil kapwa sila busy sa kanilang respective careers. Pero ayon mismo kay Matteo, nagagawan naman nila ito ng paraan at naiintindihan naman nila ang isa’t-isa.
Wala nga lang ang presensiya ni Sarah nang awitin ni Matteo sa concert nilang “Dreamboys” sa Music Museum ang hit song ng dalaga na “Kilometro.” Inialay din ni Matteo ang ilang awitin para sa kanyang pamilya at sa kanyang nobya. Naiintindihan din daw ni Matteo kung bakit hindi nakarating si Sarah sa nasabing concert. Aniya maraming pinagkakabalahan ang nobya niya at miski naman daw siya ay marami ring commitments. Pero ang mahalaga’y naisisingit nila ang panahon para sa isa’t-isa. Sa katunayan, namataan nga ang dalawa sa isang mall na nanood ng pelikulang “The Breakup Playlist” na tinatampukan ng nobya kasama ang ultimate crush nitong si Piolo Pascual kamakailan lang.
Inawit ng binata ang kanta ng nobya kahit wala ito para ma-feel din daw niya ang presensiya ng nobya. “I tell her everyday she’s very beautiful. She has to know it eh. I’m also very proud of her. Pero nag-usap na kami na we won’t be doing a movie together. Her thing is her thing, I have mine. I don’t want to be accused na ginagamit ko siya or anything.”
Pero aminado si Matteo na kung siya ang tatanungin, si Sarah na ang gusto niyang makatuluyan. “Sana she’ll be the last.”
