Meet Ivan Padilla, Alessandra’s newest leading man
Ang newcomer na si Ivan Padilla ang leading man ni Alessandra de Rossi sa romantic drama na “12” mula sa Viva Films, sa direksyon ni Dondon S. Santos.
Baguhan pa lang sa showbiz si Ivan. Sa presscon ng nasabing pelikula ay tinanong siya tungkol sa background niya bago siya napasok sa showbiz.
”Sa L.A ako nagsimulang umarte. Gumawa ako ng mga TV shows tulad ng Dexter, CSI: Miami, CSI: New York at The Closer. Siguro ‘yung Dexter ang pinaka-well known na ginawa ko. Kasama ako sa loob ng isang season. Ako yung kontrabida sa season na ‘yun. Tapos gumawa rin ako ng movies. Ang isa sa ginawa ko ay ‘yung Here Comes The Boom,” sabi ni Ivan.
Patuloy niya,” I’ve been here in the Philippines, mga 8 months na. I’ve been doing commercials, movies and a little bit of TV. I did Maalaala Mo Kaya with Ria Atayde. I was a supporting in “100 Tula Para Kay Estela” with Bela Padilla and JC Santos. I’m really happy here. Marami na akong kaibigan dito.”
Bakit hindi niya itinuloy ang career niya sa America? Bakit sa Pinas niya gustong i-pursue ang kanyang career?
“Well, I mean sa totoo lang, wala talagang katiyakan sa buhay na ‘to. But for now, I’m really enjoying myself here sa Pinas. I really like the roles that I’ve been getting. I’m really happy with my management here, Boss Vic (del Rosario), Boss Veronique and Boss Vincent (del Rosario). They’re been really good to me. But malay ninyo, balang araw, babalik pa rin ako sa US.”
First time ni Ivan na nakatrabaho si Alessandra at puring-puri niya ang dalaga.
“Sobra akong nagalingan sa kanya. Iba ‘yung concentration niya (sa acting). She can just show herself into a scene. She knows her character so well. It’s amazing working with her. Kahit sobrang galing niya, hindi mo ‘yun mapi-feel. Tumutulong siya sa akin (sa pag-arte).”
Dumating ba sa puntong natarayan siya ni Alessandra dahil hindi siya naka-arte ng tama sa isang eksena with her?
“Hindi! Sobrang positive siya,” sagot ni Ivan.
“Sobrang magaan sa set. Naging bestfriends kami. Sobra!”
Ang “12” ay ipapalabas na sa mga sinehan nationwide sa November 8.
