REAL SCORE: Julia to Joshua: He’s become such an important person in my life
PAGKATAPOS magtambal nina Joshua Garcia at Julia Barretto sa Vince and Kath and James mula sa Star Cinema, ay muli silang nagsama sa pelikula via Love You To The Stars and Back mula pa rin sa nasabing movie outfit.
Nagkaroon ng presscon ang nasabing pelikula noong Linggo, at dito ay inamin ni Joshua na nanliligaw na siya kay Julia. Nagsimula raw niyang ligawan si Julia noong January nitong taong kasalukuyan. Bale pitong buwan na siyang nanliligaw kay Julia. Pero hindi pa raw siya nito sinasagot.
“Pero malalim na talaga yung pinagsamahan namin. Mas kilala na namin ang isa’t isa,” sabi ni Joshua tungkol sa panliligaw niya kay Julia.
Ipinaliwanag naman ni Julia ang dahilan kung bakit hanggang ngayon ay hindi pa niya sinasagot si Joshua.
“If I’m being very honest, I’ve learned to prioritize my work. But he’s become such an important person in my life and it’s not like nakakasagabal siya sa trabaho ko. So, I don’t see any problem naman na if ever pagsabayin ko. That’s because I’m being very honest right now.”
Sa tanong naman kay Joshua kung bakit hindi niya tanungin si Julia kung may maaasahan ba siya rito, ang sagot ng binata, “Nakakatakot pa rin magtanong sa kanya kasi hindi mo rin mae-expect kung ano ang puwede niyang sabihin. Pwede siyang maghindi, e.
“Kasi sa ngayon, ‘yung trabahong pumapasok sa amin ang hirap sayangin, e. Kasi, nakakatakot talagang magtanong. Kasi lahat naman tayo natatakot tayo ma-reject. Kasi po, ako yung taong insecure. Mababaw yung confidence level ko.”
Showing na sa August 30 ang Love You To The Stars And Back na mula sa direksyon ni Antoinette Jadaone.
