T.V.

Richard Yap Bares past romance with Keana Reeves

Mar 6, 2015

by Roldan Castro

Dating magka-relasyon pala si Ser Chief ng “Be Careful With My Heart” na si Richard Yap at ang sexy comedy actress na si Keana Reeves ayon sa bagong episode ng “Home Sweetie Home” ngayong Sabado (Marso 7) kung saan ipapamalas ni Richard ang kanyang galing sa comedy.

Gagampanan ni Richard Yap ang papel ni Richard Dy, isang plastic surgeon na bibisita sa Brgy. Puruntong para makipagkita kay Tita Ems (Keana Reeves), ang kanyang ex-fiance.

Nagkakilala ang dalawa dahil namasukan bilang maid si Tita Ems sa bahay ni Richard Dy, ngunit naudlot ang kanilang pag-iibigan. Aasa si Tita Ems na gustong makipagbalikan ni Richard.

Ano kaya ang dahilan ng pagbisita ni Richard? Bakit hindi sila naikasal ni Tita Ems? Alamin ngayong Sabado (Marso 7) sa “Home Sweetie Home,” 6PM!

Abangan din ang lahat ng ibang mga Kapamilya comedy shows. Panoorin ang “Banana Split: Extra Scoop” tuwing Sabado pagkatapos ng “Maalaala Mo Kaya”, ang “Banana Nite” tuwing weekdays pagkatapos ng “Bandila”, ang “LUV U” tuwing Linggo pagkatapos ng “ASAP 19”, at ang “Goin’ Bulilit” tuwing Linggo pagkatapos ng “TV Patrol Weekend”